ميمي جمال تكشف أسرار قصة حبها مع حسن مصطفى: ”كنت قاعدة تحت رجله”

الطريق 0 تعليق ارسل طباعة تبليغ حذف

تصدر اسم الفنان الراحل حسن مصطفى محركات البحث على ، بعدما كشفت زوجته الفنانة ميمي جمال عن كواليس قصة حبها له، خلال لقاءها في "كلمة أخيرة" المذاع على on الفضائية، والذى تقدمه الإعلامية لميس الحديدي.

وصرحت ميمي جمال أنها رفضت العودة للتمثيل بعد وفاة زوجها الراحل قائلة: "قعدت من التمثيل مرتين مش اعتزلت، مرة لما والدتي تعبت أوى وجالها زهايمر، واعتذرت عن دور "راجل وست ستات" ورجعت العربون، وتاني مرة بعد وفاة زوجى حسن مصطفى".

وتابعت حديثها عن زوجها الراحل قائلة: "كان طيب وحنين وكل صفات الدنيا فيه، ولما العمر ده كله يتعب أروح أسيبه وأمثل لا طبعًا، 28 يوم قعدت تحت رجله فى المستشفى"، وعن يوم وفاته قالت: "وآخر يوم شافني قاعدة وأنا حطة إيدى على خدي، فقال لي ميمي نزلي إيدك من على خدك هتحطي بعديها كتير ممكن أشرب ميه وشرب واتوفى".

قصة حب ميمي جمال وحسن مصطفى

وعن بداية تعارفهما وقصة حبها منه قالت: "كنا زملاء مع بعض فى المسرح، وهو عنده مشاكل مع زوجته، وكان مش عجبني دور اللي بقدمه ومتضايقة، لقيت حسن جه وبيقول لي أنا كمان مش عجبني حاجات في حياتي الشغل ملهوش دعوة، بدأت صداقة نشتكي لبعض ونرغى سوا ، بدأ الكلام يطلع علينا، جابنا سيد بدير في المسرح، وقال ايه الكلام اللى طالع عليكو انتوا، فيه حاجة بينكم، فقلت لا إحنا أصدقاء مفيش حاجة بينا".

اقرأ أيضًا: كيف تسبب يوسف الشريف في رعب الفنانة ميمي جمال؟

وأضافت: "جه حسن قال لي أنا طلقت من 3 شهور لو طلبت منك الزواج توافقي قلت له إيه المفاجأة دي وماما ماكنتش موافقة عشان راجل كبير وعنده بنت والوسط مش كويس، وكنت محتاجة ضهر، فكلمته قلت له أنا موافقة اتجوزك و اتجوزنا".

 

ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق