محكمة الأسرة | زوجة: ”جوزي شاذ جنسيًا وأنا عايزة راجل”

الطريق 0 تعليق ارسل طباعة تبليغ حذف مشاركة الارباح

" أنا شاذ وعارف نفسي، وكنت مستنيها تروح تخلعني بفارغ الصبر، أهلي غصبوني عليها، ومكنش عندي حل تاني"، هكذا وقف زوج أمام محكمة الأسرة بمدينة نصر يرد على دعوى زوجته.

وقال الزوج أمام محكمة الأسرة بمدينة نصر: "اتجوزت ٩ شهور، بعدما اتعرفت عليها عن طريق أهلي، ولما اعترضت هددوني إنهم هيحرموني من حياتى، ويحبسوني فى البيت، مع إني مهندس وليا شغلى وكياني، روحت معاهم غصب عني، ووافقت غصب عني، واتخطبنا واتجوزنا".

وتابع الزوج أمام محكمة الأسرة بمدينة نصر: "أنا شخص شاذ من ، ولما أهلي عروفوا أخبروني أتعالج، فضلت سنتين، مع دكتور شايف إني لازم أكون راجل، بس أنا مش شايف إني مختل أو مضطرب، ومن حقي أعيش الحياة زي مانا عايزها، أنا ضحية مجتمع متخلف بيمارس الإرهاب الفكري بطريقة بشعة، ولو كنت عايش بره كنت اتعاملت غير كده".

وأضاف الزوج أمام محكمة الأسرة بمدينة نصر: "لما اتجوزنا مقدرتش أكون معاها، ومقدرتش أطلقها، خوفت من أهلي وكنت مستنيها تروح لمحكمة الأسرة وساعتها هطلقها على طول، أنا عارف إني كذبت عليها، بس مكنش بإيدي ".

وواصل الزوج: "أهلي عارفين طول عمرهم حقيقتي، بس خايفين من المجتمع والناس، أجبروني أتجوزها، أنا عارف إنها ضحية بس أنا كمان ضحية، مقدرتش أكون معاها ومقدرتش أحبها، حاولت كتير بس فشلت، وهي مش بتحبني فمش هتخسر كتير".

وردت الزوجة أمام محكمة الأسرة بمدينة نصر: "جوزي بيمارس الشذوذ مع رجالة، ليه مفاهيم خاصة بيه، ياريتني مت قبل ما يحصل معايا كده، أنا مش عاوزاه ومش عاوزة أعيش معاه، أنا قرفانة منه، أنا عايزة راجل".

وقررت محكمة الأسرة بشبرا الخيمة قضاء الخلع للزوجة التي رفضت الاستمرار خشية على نفسها من زوجها.

ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.

أخبار ذات صلة

0 تعليق