محكمة الأسرة | زوجتان تطلبان خلع زوجهما: ”نخاف ألا نقيم حدود الله”

الطريق 0 تعليق ارسل طباعة تبليغ حذف مشاركة الارباح

"نخاف أنا نتعدي حدود الله، وجوزنا مقصر فى حقنا، سواء مادية ولا حقوق شرعية"، بتلك الكلمات وقفت سيدتان أمام محكمة الأسرة بروض الفرج فى حادثة غريبة ومثيرة تطلبان الخلع من زوجيهما.

اقرأ أيضًا: زواج عرفي.. تجديد حبس عامل لإجبار زوجته على الإجهاض ووفاتها بالنزهة


قالت الزوجة الأولى "دينا.س" أمام محكمة الأسرة بروض الفرج: "اتجوزته من ٧ سنين، جوزي راجل متدين، وبيصلى الفرض بفرضه، ده اللى كنت أعرفه الأول، بس بعد الجواز حاله اتقلب، بدأ يسيب البيت فترات طويلة، ويغيب، يدخل البيت سكران، وأنا مش عارفة أعمل إيه".

وتابعت الزوجة فى دعواها أمام محكمة الأسرة بروض الفرج: " فى يوم دخل عليا وقالى إنه هيتجوز، واحدة بنت حلال وعاوزنا نكون زى الإخوات ومنعملش مشاكل، وافقت يمكن زعلت شوية بس فرحت بيها لما دخلت بيتي" .

وواصلت الزوجة أمام محكمة الأسرة بروض الفرج: "أنا عشت معاه ٧ سنين فى مرار وذل، بس مكنتش عاوزة أخسر بيتي، كنت بتحمل إهانة منه بسبب خلفتي للبنات، بس كان قراري غلط لما قولت أصبر ".

وفى نفس السياق أضافت الزوجة الثانية فى دعواه أمام محكمة الأسرة بروض الفرج: "اتجوزته بعد مافاتني قطر الجواز، واتقال عليا عانس، وافقت أكون زوجة تانية، بس اكتشفت إن مراته طيبة ومغلوب على أمرها منه، مكنتش عارفة مدى المرار اللى هى شافته".


وأكملت الزوجة الثانية فى دعواها أمام محكمة الأسرة بروض الفرج: "كل يوم يرجع البيت سكران، وبيصرف فلوسه ع الستات والخمرا، وبرغم عجزه بيتهمنا إخنا الاتنين بالتقصير، وبيضربنا ضرب يكسر العضم، عشان كده قررنا نخلعه، ونسيبه بعيش حياته زى ماهو عاوز، بس ماهددنا إنه يسيبنا متعلقين زي البيت الوقف وفعلا عنل كده لـ١٤ شهر ".

ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.

أخبار ذات صلة

0 تعليق