الشحات أبو الملايين

بوابة فيتو 0 تعليق ارسل طباعة تبليغ حذف مشاركة الارباح
"حسين الشحات" اللى فقع مرارتنا في الماضى، بعد انضمامه للأهلي في صفقة هي الأكبر على الإطلاق، مع كل فرصة كانت بتضيع بين أقدامه كنا نتذكر الـ90 مليون جنيه اللى اندفعوا فيه، ده إذا اعتبرنا إن الرقم صحيح.. عشان الأندية بقت بتضرب أرقام اليومين دول، لكن مهما كان الرقم فالشحات كان صاحب الصفقة الأكبر في تاريخ الكرة المصرية، والسؤال اللى كان بيطرح نفسه طول الموسم الماضى هو: طب ليه كل الفلوس دى تندفع في لاعب متواضع بالشكل ده؟!

إلا أن "الشحات" فاجأنا بتألقه في مباراة المقاولون التي حسمت درع الدوري للأهلي، ساعتها قلنا جميعا إن الشحات يستحق 100 مليون مش بس 90 عشان الشحات جاب ثمنه في مباراة واحدة وبقشش علينا كمان بتألقه في كأس السوبر.. قوم إيه الشحات يبدأ الموسم الجديد بتألق غير عادى سواء في أولى مباريات الدوري المصرى أو الأفريقى.. الشحات الآن هو هداف بطولة دوري أبطال أفريقيا بخمس أهداف.. بالإضافة إلى أنه صنع كمان 5 أهداف زيهم

الشحات أبو الملايين أثبت لنا وللجميع أنه يستحق 100 مليون مش بس 90 أو 80 الأمر الذي نتعلم منه الصبر على مواهبنا، وعدم الإلقاء بهم في سلة المهملات مع أول إخفاقة يرتكبونها ففى آلاف المواهب تستحق الملايين وفى شتى المجالات.. لا يصح إهدارهم مبكرا.

ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق