تعرف على سر أغرب رسالة حب تلقتها غالية بن على

اليوم السابع 0 تعليق ارسل طباعة تبليغ حذف

فى حلقة جديدة من برنامج "ع الرايق" حلت الفنانة التونسية غالية بن على ضيفة على البرنامج مع الزميلة سارة صلاح، والمعروض على تليفزيون ""، وخلال الحلقة أجابت على مجموعة من الأسئلة بشكل كوميدى ومنها أول قصة حب في حياتها وأكتر مكان تحب تزوره في الأقصر وأول جواب غرامى حصلت عليه و موقف محرج تعرضت له على المسرح.

وقالت غالية بن على:" بحب كل الأماكن الأثرية في الأقصر ومن الأماكن اللى بعشقها في ، وأصحابى بيدلعونى بكحكوكى عشان بحب أكل الكحك أوى، ولما أكون متعصبة بجز جامد على شفايفى و بفضل ساكته، واكسسواراتى اللى بلبسها في حاجات كتير بتاعت جدتى".

وأضافت غالية:" أول جواب غرامى اتبعت ليا يمكن وأنا عندى 12 سنة من واحد اسمه طاهر كان مجنون شوية، ولما كنا في ابتدائي  كنت ساعتها في 2 ابتدائى و كان في أخر الصف و نايم المدرس دخل ضربه على دماغه و الكل قاعد يضحك عليه في الصف وأنا قعدت أعيط، و الأيام تمر و نكبر وأنا في أولى ثانوى معرفش حصل ايه بالظبط و البوليس ضربه على دماغه و اتجنن و الجنان بتاعه جه على غالية افتكرنى وكان بيرقبنى في كل مكان و مرة بعت ليا جواب معاه شريط كاست لمايكل جاكسون وقعد يضرب على الباب جامد و بابا فتح قاله أنا عاوز أشوف غالية بابا رد عليه و قاله امشى من هنا وخدت الرسالة من مجنون غالية".

وعن أكثر موقف محرج تعرضت له ولا يمكن أن تنساه، ردت قائلة:" هو في كذا موقع محرج حصل ليا و هو أن أنسى كلمات الأغانى عشان كده لازم يبقى قدانى ورق و أنا بغنى و بيبقى عندى خوف و رعب أن أنسى الكلمات، وفى موقع حصل ليا و وقعت على المسرح و فضلت أضحك".

 

   

ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.

أخبار ذات صلة