الارشيف / فن / اتفرج نيوز

يسرا اللوزي: كل لـ أحمد عبدالله عالم خاص.. وأغير لعدم مشاركتي بأعماله (خاص)


10:00 ص


الجمعة 25 نوفمبر 2022

كتبت- منى الموجي:

قالت الفنانة يسرا اللوزي، إنها حرصت على مشاهدة “19 ب” الذي عُرض ضمن المسابقة الدولية لمهرجان القاهرة السينمائي الدولي، في دورته الـ44، لأنه من إخراج صديقها أحمد عبدالله السيد.

وتابعت في تصريحات خاصة لـ”مصراوي”: “أحمد صديق قديم ومن المخرجين اللي بحب اشتغل معاهم، وبحب اشوف أفلامهم وكل ما بيعمل حاجة وأنا مش معاه بغير وبقوله أنا ليه مش معاك، عشان احنا أصحاب، مقدرش أقول الجملة دي لأي حد تاني”.

وأضافت يسرا “اشتغلت معاه في هليوبوليس، وقريبين من بعض وبحب فيه إن كل فيلم ليه مختلف، معندوش أسلوب واحد، هتلاقي فيه اختلاف في التصوير والمونتاج مثلا ميكروفون مختلف عن هليوبوليس، كل فيلم عالم خاص، كل مرة بيعمل حاجة جديدة وتحمست اشوف عمل ايه في 19 ب”.

ومن ناحية أخرى، قالت يسرا إنها تنتظر طرح فيلم “ليلة ”، والذي لا تعرف سبب تأجيل طرحه حتى الآن في دور العرض السينمائي، كما انتهت مؤخرًا من تصوير فيلم “جروب الماميز”.

ملحوظة: مضمون هذا الخبر تم كتابته بواسطة اتفرج نيوز ولا يعبر عن وجهة نظر مصر اليوم وانما تم نقله بمحتواه كما هو من اتفرج نيوز ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا