يواصل القاهرة 24 نشر التحقيقات في قضية حبيبة الشماع فتاة الشروق، والتي كشفت عن وجود محادثة بين سائق أوبر المتهم بمحاولة خطف الفتاة الراحلة مع أحد الأشخاص، والتي مكنته من العودة للعمل في شركة أوبر، بعد إيقاف التعامل معه من الشركة.
التحقيقات تكشف تورط سائق أوبر وآخر أثناء إتمام عملية التزوير
وعقب فتح رجال التحقيق الهاتف المحمول الخاص بسائق أوبر المتهم في واقعة حبيبة الشماع، ومن ثم العثور على محادثة بينه وبين رقم آخر، تبين أن بداية المحادثة بتاريخ 25 من شهر نوفمبر عام 2021، وقد بدأ الماثل بالآتي:س: ما قولك فيما هو منسوب إليك من أنك متهم وآخر مجهول بالاشتراك في تزوير محرر إليكتروني بطريق التعديل أو التحوير بأن قمت بتقديم رخصة قيادة وكذا صحيفة حالة جنائية على تطبيق أوبر مصر بعد تعديل الرقم القومي في المستندين وتعديل التاريخ في صحيفة الحالة الجنائية وعلى النحو المبين بالتحقيقات؟ ج: الكلام دة محصلش. س: وما الذي حدث اذا؟ ج: هو اللي حصل لما حسابي اتقفل أول مرة في آخر 2021، أنا كنت عاوز أعمل حساب جديد عشان اشتغل على تطبيق أوبر، واتعرفت على واحد كان كاتب الفيس بوك اللي إيميله اتقفل على أوبر وكريم وعاوز يرجعه يتواصل معايا، وكان حاطت رقم تليفون وأنا كلمته وقالي ابعت لي رخصة العربية ورخصتي الشخصية وتحليل المخدرات وفحص للسيارة والفيش الجنائي، روحت أنا قولتله معايا فيش قديم قالي ابعته برضوا وأنا روحت بعتله الأوراق دي على الوتس بتاعه، وبعدها بيومين لقيته بيبعتلي فيديوهات بالميل وقالي حولي 400 جنيه على فودافون كاش، واداني الميل والباسورد وأنا بعتله الفلوس دي واداني الأصل والباسورد واشتعلت ثاني وهو ده اللي حصل.
حبيبة الشماع – سائق الاوبر المتهم س: ومتى حدث ذلك؟ ج: لما الحساب بتاعي اتقفل أول مرة في خر 2021.س: هل قمت بتقديم تلك المستندات على التطبيق بنفسك؟ ج: لا الشخص اللي كلمته على الواتس اللي اسمه عبدالله هو اللي سجلني على تطبيق الشركة بمعرفته لما بعتله الورق المطلوب.س: وما بيانات سالف الذكر؟ ج: أنا ما عرفش أكثر من إن اسمه عبدالله وما عرفش باقي اسمه ولا بيانات عنه.س: وما هي بادرة تعرفك عليه؟ ج: أنا لما شوفت البوست بتاعه على الفيس إنه ممكن يرجع الميل بتاع أي حد مقفول في أوبر وكريم أنا كلمته على الواتساب.
حبيبة الشماع – دفاع حبيبة الشماع – تطبيق أوبر س: وما اسم الصفحة تحديدا؟ ج: أنا مش فاكر اسم الصفحة ايه.س: وما الذي دعاك لفتح حساب ثاني على تطبيق أوبر؟ ج: علشان الحساب بتاعي الأول كان مقفول.س: ما سبب إغلاق حسابك الأول بالتطبيق؟ ج: علشان أنا قعدت فترة كبير ما بشتغلش بالعربية وكنت شغال في شركة.س: ما قولك فيما جاء بشهادة المدعو عثمان إبراهيم عثمان بتحقيقات النيابة من أن الحساب الأول تم إيقافه بسبب هبوط درجات التقييم الخاصة بك؟ ج: أنا الحساب بتاعي اتقفل أول مرة من الشركة وماعرفش ليه والمرة الثانية لما عملت التسجيل كان اللي اسمه عبدالله هو اللي سجلني على موقع الشركة وما عرفش هو عمل ايه.
أسرة حبيبة الشماعس: ما قولك فيما قررته سلفا بالتحقيقات من أنك تركت شركة أوبر للعمل بشركة أدوية وذلك على خلاف ما شهد به المدعو مصطفى السيد عوض بتحقيقات النيابة العامة. ج: لا أنا قصدي إن أنا شغال في شركة الأدوية وشغال على أوبر كعمل إضافي. س: ما قولك فيما جاء بشهادة المدعو عثمان إبراهيم بتحقيقات النيابة بشأن الشكاوى المقدمة ضدك على تطبيق الشركة “تلوناه عليه”؟ ج: الكلام ده محصلش وأنا لما بغير طريقي عشان الزحمة هما بيبكتبوا كدة ليه.س: ما هي المبالغ المالية التي قدمتها لذلك الشخص نظير تسجيلك على تطبيق الشركة مرة أخرى؟ ج: هو أنا حولتله على تطبيق فودافون كاش 400 جنيه.س: وكيف قمت بتقديم ذلك المبلغ لديه؟ ج: عن طريق فودافون كاش.س: وما هو الرقم الذي قمت بالتحويل عليه؟ ج: أنا مش فاكر هو موجود على الشات.س: وهل كنت على علم بالإجراءات التي يقوم بها نظير تلقيه ذلك المبلغ؟ ج: لا أنا معرفش وما سألتوش لأني بعتله الورق وكله سليم.س: انت متهم وآخر مجهول بالاشتراك في تزوير محرر إليكتروني بطريق التعديل أو التحوير بأن قمت بتقديم رخصة قيادة وكذا صحيفة حالة جنائية على تطبيق أوبر مصر بعد تعديل الرقم القومي في المستندين وتعديل التاريخ في صحيفة الحالة الجنائية وعلى النحو المبين بالتحقيقات؟ ج: الكلام دة محصلش.
