تحدثت البروديوسر أميرة إسماعيل عن منطق التوفير في صناعة الأعمال السينمائية والدرامية، خلال حلولها ضيفة في الموسم الثاني لبودكاست الشغلانة مع الناقد الفني آسر أحمد، وقالت: «يمكن زمان دى كانت سمعة حقيقية، لكن السوق دلوقتي يهتم أكتر بالصناعة الفنية للمنتج، لأن كل ما عملت إعلان حلو هيجيلك عملاء أكتر».

وأضافت في حديثها: «منطق التوفير مبقاش زي الأول ونفس الطريقة، أنا بشتغل فري لانس بروديوسر، بشتغل مع شركات كتير أوي، أول ما بدخل صاحب الشركة يقولي أنا في ضهرك، ودا معناه إن البادجيت اللى بابعين بيها مش هتقدر تنفذ الإعلان دا، دا معناه إنى هصرف في لحظة ما من حاجات تانى، مفيش حد عاوز يخسر أو يدفع من جيبه، بس في ناس فاهمة من الأول عاوزة تكسب الشغلانة قبل الفلوس، ولو السمعة مش كويسة الفلوس مش هتيجي»، وتابعت قائلة: «صناعة الإعلانات دلوقتي مش بتفكر بمنطق التوفير خالص».

أميرة إسماعيل منتج فني ومستشارة إنتاج، تمتلك أكثر من 15 عامًا من الخبرة في إدارة وتنفيذ إنتاج الحملات الإعلانية والأفلام الوثائقية والبرامج التليفزيونية، وشاركت في تقديم الخدمات الإنتاجية لعدد من الإنتاجات العالمية المصورة في مصر، إلى جانب عملها في تطوير وكتابة مشروعات سينمائية وتليفزيونية، ومن آخر اعمالها فيلم المخرج العالمي جاي ريتشي Fountain of Youth بطولة جون كراسينسكي وناتالي بورتمان.

ويعود الموسم الثاني من بودكاست الشغلانة للزميل آسر أحمد، بتفاصيل وضيوف من قطاعات جديدة داخل المشاريع السينمائية والدرامية والمسرحية والموسيقية، حيث يضم الموسم الجديد ضيوفاً من التوزيع الموسيقي والتلحين والإنتاج الفني الدرامي والسينمائي والإخراج المسرحي والـ stunt والكثير من القطاعات المختلفة.