جريدة لحظات نيوز

الاحتفال بالملكية الفكرية وتحديات الذكاء الاصطناعي

اليوم، 26 أبريل، بنحتفل بمناسبة اليوم العالمي للملكية الفكرية في عالمنا الحالي، الذكاء الاصطناعي بيسيطر على كتير من الوظائف والمهن الصناعه الموسيقيه مش بعيد عن المخاطر دي، وبتواجه تحديات كبيرة إثر تقدم الذكاء الاصطناعي تقارير أجنبية صرحت إن التكنولوجيا دي بتمثل خطر على مجتمع الموسيقى، وبيبقى لازم المتخصصين يشتغلوا على حل المشكلات المتعلقة ده، خصوصاً مع ظهور أغاني جديدة بتنسب لفنانين ومطربين، لكن الحقيقة إن المطربين دول ما سجلوهاش بنفسهم مثال على كدة، أغنية "Heart On My Sleeve" اللي ظهر فيها صوت "دريك" و"ذا ويكند"، والمفاجأة إنهم ماعندهمش عِلم بالأغنية دي

انتهاك الحقوق وضياع التفرّد

خدع الذكاء الاصطناعي ما وقفتش هنا، هي تعد انتهاك حقيقي لحقوق الطبع والنشر الموضوع مش مجرد الاعتداء على حقوق المطربين وصناع الموسيقى، دي خسارة كبيرة للإبداع البشري والأصالة كمان الموسيقى اللي بيتولدها الذكاء الاصطناعي ممكن تكون رائعة، لكن بتفتقر لعمق المشاعر والتجارب اللي الموسيقيين البشريين بيضيفوها لأعمالهم

مخاطر على التفرّد الموسيقي

استخدامات الذكاء الاصطناعي في الموسيقى ممكن تقود للإفراط في التشابه والتشبع بالمسارات المتشابهة دا بينقص من تفرد وتنوع التعبير الموسيقي، وبيخلق حالة من الرتابة والاستنساخ اللي بتهدد الإبداع

التهديد الأكبر على الكبار من الزمن الجميل

مخاطر الذكاء الاصطناعي بتمثل تهديد كبير لأمجاد الماضي الموسيقي، زي أم كلثوم، وعبد الحليم حافظ، وشادية، ومحمد عبد الوهاب برامج قادرة على تقليد الأصوات بطرق متطورة ممكن تخلينا نسمع كوكب الشرق تغني أغاني مهرجانات أو راب مش بس الحقوق الفنية اللي بتضيع، دا كمان تراث الموسيقى العربية اللي محتاج نحافظ عليه من عبث التكنولوجيا الحديثة

تحديات الحفاظ على التراث

إزاي نقدر نحافظ على عبق الماضي وسط تغييرات الحاضر؟ الحفاظ على تراث الأغنية المصرية ورونقها ومسؤولية حماية عظمة الفن العربي، اللي بصماته لازالت موجودة لحد دلوقتي، بيشكل تحد كبير قدام صناع الموسيقى وداعميها دا بيعني إننا محتاجين نفكر إزاي نستمر في تكريم أعمالنا الفنية والحفاظ على هويتنا الموسيقية