قال الفنان أحمد العوضي: “عشت مع ياسمين عبد العزيز أحلى أيام حياتي، فيها حب ونجاح وأزمات وحروب ومرض وكنت جنبها وهي كانت جنبي”.
دعم ياسمين عبد العزيز لـ أحمد العوضي
وأضاف خلال لقائه ببرنامج “ع المسرح” الذي تقدمه الإعلامية إيمان أبو طالب بقناة “الحياة”: “لما تعبت بعد طلاقنا ياسمين عبد العزيز هي اللي وقفت معايا ومفيش حد بيعمل كده، هي النجمة الأهم في الوطن العربي بس عندي في حياتي حاجة كبيرة جدا”.
تأثير الطلاق علي أحمد العوضي
وأكد:”تأثرت نفسيا بسبب الإنفصال عن ياسمين عبد العزيز، وانا متكسفش إني أقول كده ولا الموضوع له علاقة بشخصيتي القوية، هي كانت معايا طول الوقت وجمعنا قصة حب كبيرة وإلا مكنتش وصلت للناس بالعمق الكبير ومحدش بيضحك علي الناس”. وتابع:”فيه فرق بين الزواج ينتهي والحب ينتهي، وبعد طلاقي من ياسمين عبد العزيز لسه بقول وهاقول وهافضل اقول انها الحب الحقيقي اللي في حياتي، انتهاء الزواج اقدار لكنها تظل الأهم في حياتي”.
انفصال راق
وأكمل أحمد العوضي:”انفصالي انا وياسمين عبد العزيز كان راق علي قد احترامنا لنفسنا واحترام الناس لينا، الناس تشوف منك الحلو والسعادة فنبقى قدوة في تصدير الطاقة الحلوة”.
حب أحمد العوضي لـ ياسمين عبد العزيز
واستطرد:”الزواج والطلاق قضاء وقدر ومحدش فينا قصر في حق التاني ولا كان وحش مع التاني، وانا شوفت من ياسمين عبد العزيز اجدع واحسن وافضل الحاجات وهي معروفة بالجدعنة وتظل بالنسبة لي أكبر حاجة في حياتي”.
