قالت الفنانة التونسية عائشة بن أحمد: “تركيبتي شبه ليلى في مسلسل بدون سابق إنذار، بخبي مشاعري في المواقف الصعبة والكارثية ممكن أتخض من نفسي لكن بحاول أظهر قوية ومتماسكة وفي الحاجات التافهة والعبيطة بانهار وبعيط في ثانية”.
عائشة بن أحمد تبكي بسبب تذكر وفاة والدها
وبكت عائشة بن أحمد، على الهواء مع استرجاعها لحظة إخبارها بوفاة والدها، خلال لقائها ببرنامج “معكم” الذي تقدمه الإعلامية منى الشاذلي بقناة “أون”: “أنا في الصدمات والمشاكل الكبيرة بكون جبروت، وفاة أبويا لما عرفت ما عيطتش خالص وقعدت طول اليوم مش بعيط وبعد كدا انهرت”.
عائشة بن أحمد تسترجع ذكريات مؤلمة خلال مرض والدتها
وتابعت: “ماما مرة تعبت وإخواتي كانوا منهارين وأنا اللي كنت متماسكة وبقول أنا عندي مهمة ما ينفعش أبقى منهارة في البدايات”.
ولفتت: “أنا دمعتي قريبة وبعيط في ثانية وبتعب نفسيًّا من أي موقف ولو تافه وبتعاطف مع الناس ومع ظروفهم الصعبة وأبكي معاهم وممكن أبكي علشان حيوان بس المواقف الصعبة بكون متماسكة”.
معاناة عائشة بن أحمد في تصوير مسلسل بدون سابق إنذار
وأشارت الفنانة عائشة بن أحمد: “من أول يوم تصوير في مسلسل بدون سابق إنذار واحنا بنصور في المستشفيات والأمور كانت صعبة خاصة واحنا بنشوف مرضى كتير، أنا وآسر ياسين كنا مصدقين كل مشهد ومشاهد الانهيار في أول حلقتين كانوا صعبين أوي خاصة لما عرفنا ان الطفل ياسين صعب يتعالج”.
عائشة بن أحمد تقرر البقاء في القاهرة وعدم العودة لتونس
ولفتت: “أنا 10 سنين من حياتي من ساعة لما جيت مصر بشتغل وأخلص تصوير تاني يوم أسافر وأرجع تونس ولا بخرج ولا بعمل حاجة وما عنديش حياة اجتماعية بس دلوقتِ وبعد مسلسل بدون سابق إنذار قررت بعد 10 سنوات اني أعيش وأخرج واشوف الناس وقلت لماما أنا مش هرجع تونس دلوقتِ وأنا مبسوطة أوي دلوقتِ”.
قرار مفاجئ من عائشة بن أحمد بعد مسلسل بدون سابق إنذار
واختتمت: “بعد مسلسل بدون سابق إنذار أنا منهكة وعايزة ارتاح ومحتاجة اجازة واستمتع بحياتي شوية لإني مش قادرة على التمثيل تاني دلوقتِ، ولذلك أنا في إجازة طويلة بعيدًا عن التمثيل، ورجعت أتمرن رياضة ورقص بعد انتهاء التصوير وهعمل عمل خيري وأؤكل الكلاب في الشوارع وأخرج أشوف الناس وأنا قاعدة شوية في القاهرة، وعايزة أتعلم شوية رقص فلامنكو”.
