البنك التجاري الدولي CIB.. أكبر بنك خاص في مصر.. قرر يحل المعادلة الصعبة.. وهيخليك تشترى كل اللى نفسك فيه وهتدفع تمنه بالتقسيط المريح.. وده من خلال منتج جديد هو كارت “Swype”.. فيا ترى إيه حكاية الكارت ده؟.. وهل هو مجرد كارت ائتمان جديد في الزحمة وخلاص؟.. ولا فيه سر يخليه مختلف؟.. وإزاي CIB قدر يعمل حملة إعلانية تتدرس بتوظيفه لنجم زي إيهاب توفيق؟
قبل ما نتكلم عن أي حاجة.. لازم تفهم فلسفة الكارت ده.. كارت Swype مش مجرد بلاستيكة بتدفع بيها.. لأ.. دي أداة مالية ذكية.. الـ CIB عملها مخصوص عشان ترد على أسئلة الشباب والجيل الجديد.
فكرته كلها قايمة على البساطة والسهولة.. كارت ائتمان من غير التعقيدات والصداع بتاع زمان.. كارت سهل تطلعه.. وسهل تستخدمه.. والأهم.. سهل تفهم مميزاته وتستفيد منها بجد.
طب إيه اللي يخليك تقدم على كارت Swype؟
فيه مميزات كتيرة جدا .. زي الكارت ده شغال ببرنامج نقاط المكافآت الأقوى CIB BONUS.. يعني كل جنيه بتصرفه في أي حتة.. بيرجعلك في صورة نقط.. النقط دي مش ديكور.. دي بتجمعها وبتحولها لقسائم شراء أو كاش باك حقيقي تستخدمه في أكبر المحلات في مصر.. يعني كأنك بتاخد خصم دائم على كل مشترياتك.. ببساطة.. الكارت بيدفع معاك.
تانى حاجة اانسى كلمة “مش هقدر أجيبها كاش”.. مع كارت Swype.. أنت اللي بتتحكم.. تقدر تقسط أي حاجة نفسك فيها.. من أي مكان متعاقد مع البنك.. على فترات بتوصل لشهور طويلة ومن غير فوايد خالص.. يعني الموبايل الجديد.. اللابتوب.. تجديد البيت.. كل ده بقى في إيدك ومن غير ما تحس بضغط مالي.
وعشان البنك واثق من المنتج بتاعه.. بيقولك خد الكارت وجربه بنفسك.. الكارت بيجيلك من غير أي مصاريف إصدار للسنة الأولى.. هدية بالكامل.. عشان تحكم عليه من خلال تجربتك انت مش كلام أي حد.
الكارت فيه خاصية الدفع اللاتلامسية.. يعني بتدفع في ثانية بمجرد ما تقرب الكارت من المكنة.. ده غير إنه مؤمن بالكامل ضد أي محاولات احتيال.. وعليه تقنية الـ 3D Secure اللي بتخلي كل عمليات الشراء أونلاين في منتهى الأمان برسالة تأكيد على موبايلك.
طيب.. الكارت مميزاته حلوة.. بس إزاي البنك قدر يوصل الفكرة دي للناس؟.. هنا نيجي للعبة التسويق العبقرية.. وحكاية إيهاب توفيق.
CIB معملش إعلان تقليدي.. لأ.. ده عمل حملة تسويق تتدرس في الجامعات.. جاب أيقونة جيل كامل.. صوت اتربينا عليه.. النجم إيهاب توفيق.. بس مستخدمهوش كصورة وخلاص.. ده خلى أغانيه هي اللي بتبيع الكارت.
فبدل ما يقولك “إجراءاتنا سهلة وبسيطة”.. جاب مقطع من أغنية “تترجى فيا” وقالك الزمن ده خلص خلاص.. مبقاش في حاجة اسمها تترجى عشان تاخد حقك في خدمة بنكية مميزة. وبدل ما يرص لك المميزات في قايمة مملة.. لخصهالك في كلمة واحدة من أغنية تانية.. “سحراني”.. عشان يقولك إن مميزات الكارت ده هتسحرك وتغير تجربتك المالية كلها.
العبقرية هنا كانت في ربط منتج مالي عصري جدا.. بمشاعر وذكريات دافية عند جيل كامل.. فكسر الحاجز النفسي والخوف اللي عند ناس كتير من كلمة “بنك” و”كارت ائتمان”.
طب مين يقدر يستفيد من كل ده؟
الكارت ده معمول لكل واحد فينا.. لو انت شاب لسه بتبدأ حياتك المهنية وعايز تبني تاريخ ائتماني نضيف.. الكارت ده هو بوابتك الأولى المثالية.. ولو انت موظف في أي شركة.. ومرتبك بيتحول أو مش بيتحول على البنك.. تقدر تقدم عليه بكل سهولة.. اما بقا لو انت صاحب مهنة حرة وعندك طريقة تثبت بيها دخلك.. الباب مفتوحلك. ولو انت عميل CIB أصلا.. فالموضوع بالنسبة لك يعتبر خلصان.. تقدر تطلبه بضمان مدخراتك بمنتهى السرعة.
طب هل كارت Swype يستاهل؟
بكل تأكيد.. الكارت ده مش مجرد منتج جديد.. ده يعتبر تغيير في طريقة تفكير البنوك.. ومحاولة حقيقية من CIB إنه يقرب من الناس.. ويفهم احتياجاتهم.. ويقدملهم حلول مش مجرد منتجات.
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
