أنا لسه خارج من شارع المعز درة القاهرة الفاطمية واللي كانت الفكرة من تطويره انه يبقي متحف مفتوح ..الشارع (متهان حرفيا )تلوث بصري وسمعي وابتذال لكل معني .. كل محل حاطط يافطة علي مزاجه وغالبا ذوق معفن لايتماشي مع الاثار الموجودة ..ناس فارشة في نص الشارع بتبيع بدلة حمادة ورشا .. اتنين لابسين زي عمال نضافة قالبين صندوق زبالة في الشارع وبيفرزوه ..قصر الامير مامي متاجر مطعم ..بس موش مطعم راقي بجذب زائر مميز ..لا ده اغاني مهرجانات وشيشة وقلة قيمة علي الاخر .عدد الانشطة التجارية جائر جدا جدا علي الاثر ..لان لازم يبقي في نسبة وتناسب .. فين بقي الانضباط والرقابة ..مع مراعاة ان تطوير الشارع تابع مباشرة لمجلس الوزراء ..شىء محزن حقيقة ولا يليق
