كشفت الفنانة دنيا سمير غانم عن المرحلة الصعبة التي أعقبت وفاة والديها، الفنان سمير غانم ودلال عبد العزيز، مؤكدة أن الأمر لم يكن سهلا أبدا بالنسبة لها.
وأضافت خلال حديثها مع الإعلامي عمرو أديب والمطربة أصالة في بيج تايم بودكاست، أنها لا تستطيع تجاوز وفاة والديها، منذ رحيلهم، قائلة: "عمرنا ما تجاوزنا وفاة أبويا وأمي.. الموضوع مش سهل".
وتابعت: أنا بعد التجربة دي اكتشفت أن الحزن ده مش زي ما إحنا بنوريهلكوا في الأفلام خالص".
وذكرت: أنا مثلاً من بعدي أهلي علطول كنت عايزة أنزل اشتغل عشان أنا طول حياتي متبرمجة أن الفن يعني أهلي، وأنا بشتغل بحس أن هما معايا طول الوقت.

نظرة دنيا سمير غانم للسوشيال ميديا

وعن نظرتها للسوشيال ميديا، أبدت اعتراضها على الجانب السلبي للسوشيال ميديا من ناحية التأثير على الحياة الخاصة، وتدخلها في كل شيء، قائلة: أنا شايفة إن فيه حاجة طلعت بوظتلنا حياتنا كلها وهي السوشيال ميديا".
وعن الجانب الإيجابي في "السوشيال ميديا" أكدت دنيا سمير غانم أن لها منافه عديدة، لا سيما في جانب عملهم، معلقة: هي آه طبعاً ليها منافع في شغلنا لكن جعلت الناس عايزين يعرفوا دايماً إيه اللي بيحصل، ومش عارفين نعيش من غير تليفونات.

دنيا سمير غانم تحدثت أيضا عن تأثير السوشيال ميديا على الأطفال، وابنتها كايلا، وكيف تتعامل معها موضحة: "الأطفال كمان بيتأثروا بالسوشيال ميديا، بس إحنا عاملين لـ كايلا بنتنا ساعة واحدة بس عالموبايل".
واستمرت في حديثها عن السوشيال ميديا، مبدية اعتراضها على بعض تعليقات المستخدمين، التي تكون سلبية، قائلة: لازم تلاقي كام كومنت سلبي تحس إن هما مقصودين".