كتب علي الكشوطيالإثنين، 21 أبريل 2025 01:06 ص نشر عبد الرحمن نجل الفنان الراحل سليمان عيد، فيديو بتاريخ ٥ أبريل الجاري، عبر صفحته على الفيس بوك وعلق، الفيديو بتاريخ ٥ أبريل ٢٠٢٥ أسوان ( غرب سهيل ) النوبة أبويا اختار الرحلة دي مخصوص عشان يروح لأهل النوبة ويصالحهم لو حد زعل منه و فعلا روحنا و لف ع الناس كلها في غرب سهيل واتأكد أنهم مش زعلانين منه وغنا معاهم ورقص وفرح معاهم وارتاح قلبه حبيبي ادعوله حبيبي عريس في الجنة مع حبايبه". وكان نعى الفنان حمدي الميرغني خاله الفنان سليمان عيد، حيث كتب عبر صفحته على "فيس بوك": "وداعاً يا خال.. كنت مثالي في كل شيء، وكنت أب مثالي، كنت زوج مثالي، كنت أخ مثالي، كنت صاحب مثالي كنت فنان مثالي، كنت إنسان مثالي". وتابع حمدي الميرغني: "كنت بتسعى ليا في بداياتي والله اكتر مما كنت بسعى لنفسي، وكنت بتعرف المخرجين والمنتجين والنجوم عليا وكنت دايماً تقدملي نصايح لآخر لحظة ما بينا". واستكمل حمدي الميرغني: "مفيش واحد كان يعرف اني قريبك الا لما يحبني من قبل ما يتعامل حتي معايا مفيش واحد الا لما كان يقولي فيك أشعار عن كرم أخلاقك وطيبتك الغير محدودة مفيش انسان واحد زعل منك لحظة". واختتم حمدي الميرغني حديثه: "هفضل فخور طول عمري أني قريبك، كنت سهل في كل حاجه يا خال الا في فراقك كنت وستظل صعب أوي، ربنا يرحمك ويسكنك فسيح جناته ".
