محسن محيي الدين، لما سألوه عن قصة جوازه من نسرين، قالهم:
“إحنا من سن بعض.
نسرين دخلت الإذاعة وهي صغيرة، بس بقت نجمة.
دخلت أنا بعدها واتعرفنا على بعض.
حبتها من أول ما شوفتها.
إحنا كنا عيال صغيرة في السن، بس أنا حبتها.
وطبعًا كانت هي وقتها مشهورة رغم سنها الصغير.
وفجأة نسرين اتجوزت في السن الصغير ده!
أنا اتصدمت الحقيقة، نسرين اتجوزت صغيرة جدًا.
عدت الأيام، وبعدين اتقابلنا في فيلم (علي بيه مظهر).
بقيت قاعد في الكواليس أبصلها وأقول في سري:
(يعني مكنتيش عارفة تستني شوية؟)
عدت الأيام وسافرت أنا فرنسا فترة.
بعدها جالها هي كمان شغل هناك في فرنسا، وعرفت إنها موجودة.
وكنت عارف إنها في الوقت ده بقت أر’ملة.
نسرين في الوقت ده كان عندها 18 سنة.
لسه زي ما هي، حلوة، وعنيها بتضوي مع الألوان اللي بتلبسها.
وأنا كنت برضه لسه بحبها، بس مكنش ينفع أتكلم معاها في حاجة.
الوقت ده كان والدي تع’بان، وطلب مني دوا معين.
وكانت نسرين نازلة مصر، فـ قابلتها واستأذنتها إنها تاخد الدوا معاها مصر،
وبعدين تكلم أخويا يقابلها ويوصل الدوا.
أصرت تروح بنفسها لحد عندهم، ومحدش يودي الدوا غيرها.
عرفت بعدها إن الزيارة بقت اتنين وتلاتة،
وبقى فيه علاقة بين نسرين ووالدي ووالدتي.
بعد فترة قصيرة، والدي تو’فى.
أمي مكلمتش حد غير نسرين، قالتلها: “الحقيني”.
وصلني الخبر، نزلت مصر.
ولسه بسلم على أمي وبحضنها، لقتها بتقولي:
“أبوك موصي قبل ما يـمـوت إنك تتجوز نسرين.”
قلت لها: “فيه إيه يا ماما؟ أنا لسه جاي، إنتي حتى مقولتليش إزيك!”
قالتلي: “هو قالي كده…
(لو كنتي عايزة الواد ابنك حاله يتعدل، جوزيه نسرين). وفعلاً بعدها بفترة اتجوزنا “