خرجت يارا تامر، طليقة المطرب مسلم، في مقطع فيديو تعلن فيه تحريرها محضرا ضد شقيقته بعد خلافات نشبت بينهما خلال الأيام الأخيرة، وقالت: "أنا مش هطلع أتكلم أو أرد على أى حد تانى، أنا مش هتكلم، وهاخد حقي بالقانون وهخلي المحامي يروح بكرة لمكتب النائب العام وأنا آسفة إنى دخلتكم في كل المشاكل دي والمواضيع دي، مكنش ينفع أسكت علشان ده شرفي ومقبلش على أى واحدة تكون مكاني، وعد مني ده آخر كلام مني خالص ومش عاوزة أبقى في حياة الناس دي تاني أو احتكاك بيهم تانى".

وسبق وكشف المطرب مسلم خلال بث مباشر عبر حسابه على إنستجرام عن سبب طلاقه، حيث أكد أن السبب الرئيسي يعود إلى عدم احترام الطرف الآخر له، وقال: "هي ماحترمتنيش، ده السبب في الطلاق، وأنا كنت حلفت عليها قبل كده لو تكلمت في موضوع ما هطلقها، ده السبب، مش علشان أهلي".

وأضاف: "أنا مش جاي أعمل تريند، الحمد لله طلعت تريند في فرحى، أما يارا، فهي شخص محترم جدًا ووقفت جنبي بشكل كبير، وأنا طلقت 3 مرات، وعمرى ما هارجع لأي واحدة منهم مرة أخرى".

من ناحية أخرى كان مسلم تعرضه لوعكة صحية مفاجئة، حيث أُصيب بجلطة في ذراعه، وقال مسلم: "دراعي تعرض لجلطة، والله كانت هتوقف إيدي كلها، بس الحمد لله لحقتها في الوقت المناسب".

يُذكر أن آخر أعمال مسلم كانت أغنية "السكة اللي تودي"، وديتو أنا بابا مع المطربة بوسى، أغنية "شافوني غلط" التي طرحت عبر موقع "يوتيوب"، من كلمات وألحان حسن جمال، وتوزيع وميكس وماستر رامي المصرى.