رامى محيى الدينالخميس، 30 أكتوبر 2025 11:15 م أكدت الفنانة ناهد السباعي أن فيلمها الجديد مع النجم مصطفى خاطر والمخرج كريم الشناوي يمثل تجربة مختلفة ومغامرة فنية جديدة في السينما المصرية، مشيرة إلى أن "السادة الافاضل" لا يُصنف كفيلم كوميدي بحت كما يعتقد البعض، بل يجمع بين الكوميديا والدراما وعناصر من التشويق والإسقاطات الاجتماعية. وقالت ناهد السباعي خلال لقائها ببرنامج "معكم" منى الشاذلى المذاع على قناة أون: "لما قالوا إن كريم الشناوي بيعمل فيلم كوميدي، سألنا نفسنا، هو ما عملش كوميدي قبل كده. بس الحقيقة إن الفيلم مش مجرد كوميديا إفيهات، هو فيلم إنترتينينج وفيه أكتر من نوع، من ضمنها العنصر الكوميدي." وأضافت: "إحنا كنا حابين نغامر ونقدّم حاجة مختلفة، لأن السوق بقى جاهز يشوف أنماط جديدة. الكوميديا عندنا جزء من التراث، لكن إحنا كصناع حسينا إن الوقت مناسب لتطوير شكل الحكاية وطريقة عرضها." وأوضحت السباعي أن الفيلم يعتمد على مواقف إنسانية وكوميديا نابعة من السياق وليس من الإفيهات الجاهزة، قائلة: "إحنا وإحنا بنعمل التريلر، كانت مشكلتنا إننا مش عارفين نطلع حاجة تضحك برة السياق، لأن الضحك بييجي من الموقف نفسه مش من النكتة." واختتمت حديثها بالتأكيد على أن التطور الذي يشهده الفن عالميًا شجّعهم على هذه التجربة، مضيفة: "زي ما بنشوف في أفلام عالمية زي (Parasite)، الجونر اتطور، والحكايات بقت أعمق. أنا مؤمنة إن الجمهور دايمًا بينتصر للرهان، والمرة دي إحنا بنراهن على عمل مختلف وجديد."
