عرضت الإعلامية إسعاد يونس، فيديو للفنانة ميمي جمال، التي اعتذرت عن حضور حلقة اليوم من برنامج "صاحبة السعادة" الذي يذاع على قناة "dmc"، والتي استضافت فيها فريق عمل مسلسل كامل العدد +1.

وقالت ميمي جمال في الفيديو: "مساء الخير، على أصحابي وحبايبي، وأعز حاجة عندي، أنا مش قادرة أبقى في وسطكم انهاردة غصب عني، لأني لسة بصور آخر حلقة في العتاولة".

وأضافت: "أنا عاوزة أقول أن أنا كنت سعيدة جدا، وأنا في وسط الكوكبة العظيمة دي، والإنتاج المتميز اللي مكنش سايب حد محتاج حاجة والإخراج الراقي، اللي خلانا مش حاسين اننا بنمثل، وكنا حاسين اننا في بيتنا وسط عيلتنا".

وتابعت: "أنا بتأسف جدا ان أنا مكنتش قادرة أجي انهاردة، معلش اللي جاي كتير والنجاح هيبقى أكتر، وشكرا يا إسعاد طول عمرك صاحبة واجب".