نشر موقع جرامفون هذه المقطوعة الجرامافونية عن ياسمين صبري :
G r a m a p h o n e
 
 
لازم ياسمين صبري يكون تمثيلها ضعيف
انا عايز اتكلم في حاجة مهمة بخصوص ياسمين صبري ..
انا شايف انه طبيعي انه ياسمين تكون موهبتها ضعيفة
عارفين ليه ؟
• أصل ياسمين اللهم بارك عندها مميزات كتير ..
تخلي انه طبيعي يكون عندها نقـ.ـص في حاجة ..
• ياسمين (حلوة) : ياسمين اللهم بارك ست فائقة الجمال .. و حلوة من اول ظهور ليها و لحد دلوقتي
• ياسمين على المستوى الانساني (طيبة) : بني ادمة طيبة جداً و عفوية و سالكة و متصالحة مع نفسها و ماعندهاش عقـ.ـد و لا عندها مشا.كل مع حد .. و في حالها
• ياسمين (ذكية) : ايوا ياسمين ذكية جداً ..

ياسمين عملت لـ نفسها image كدا و علت قيمة لنفسها
• ياسمين (ناجحة) : نتيجة انها ذكية انها اصبحت اهم و اشهر و اغلى وجه اعلاني في الشرق الاوسط كله .. شغل ياسمين كله مع أهم البارندات العالمية

• ياسمين (د.مها خفيف) : هي مرحة جداً و لطيفة و عندها قبول عالي و الناس بتحبها و بتحب تشوفها و ده حقيقي و مش مبالغة

• ياسمين (بني ادمة محافظة) : و على جانب ما يخصناش اوي ، بس ياسمين بني ادمة محافظة في كل تفاصيل حياتها .. يعني (رياضية جداً) و (ما بتشربش اي نوع من اي حاجة ) (اكلها صحي) ، حياتها ماشية بالمسطرة

• ياسمين (مش مبتذ.لة) : برغم جمالها و شهرتها و وصولها للعالمية الا انها عمرها ما لبست لبس مبتذل نهائي

ده جزء من مميزات ياسمين .. و دي حاجات صعب جداً تتجمع في بني ادم واحد ، فكان لازم جداً انها يكون عندها عيـ.ـب واحد و الا ماكانش هيبقى منطقي أبداً .
.فكان لازم تكون ياسمين ما بتعرفش تمثل