أكد وليد صلاح الدين مدير الكرة بالنادي الأهلي، أن الإدارة قرارات وتعرضنا لأكثر من موقف يحتاج لقرار حاسم وآخرها اصطحاب كل اللاعبين إلى الإمارات بما فيهم المصابين وحمزة علاء غير المقيد. وقال وليد صلاح الدين خلال حواره مع يعقوب السعدى في قناة "أبو ظبي الرياضية": "الإدارة عموما أنت بتقيم الموقف وبعد كده بتاخد القرار اللى من وجهة نظرك صح، بعد كده يطلع صح أو غلط، ففي الآخر أنت اجتهدت كلها قرارات مهمة في كل مباراة وكل فترة، حتى مع عماد النحاس من ساعة مباراة إنبى وبعديها سيراميكا ثم مباراة الزمالك وقرار مهم جدا بخصوص عدم مشاركة أفشة وزيزو لأنهما مش مكتملين الشفاء، علشان نحافظ عليهم وفى الآخر كسبنا المباراة". وأضاف مدير الكرة بالأهلى: "واحد من القرارات المهمة أيضا استقدام كل القائمة حتى حمزة علاء اللى لسه لم يقيد ولسه هيتقيد في شهر يناير، الهدف أننا فريق واحد، حتى المصابين يتعالجوا أمامنا، ولما ناخد البطولة كلنا نتوج مع بعض". وتابع: "كل المصابين بشكرهم، وإمام عاشور كمان لأنه مش مصاب وهيتجنن ويلعب ولافف علينا كلنا ألعب 10 دقائق حتى أو أشوط ركلات جزاء لو لعبناها، بس هو بعيد من شهر ونصف، فهى قرارات أنت بتاخدها ولو خسرنا كانوا قالوا وجايب الفرقة كلها". واختتم: "عندنا 6 لاعبين تنتهى عقودهم في الفترة المقبلة والأمور تسير بشكل إيجابي، تم تأجيل هذا الملف لحين انتهاء النادى من الانتخابات والمجلس الجديد، وكل اللاعبين هنروحلهم بقرار لجنة التخطيط وطبعا قررنا عدم فتح أي تجديد لأى لاعب يمتد عقده سنتين أو ثلاثة".
