كشفت الفنانة “مريم فخر الدين” عن اول لقاء بينها وبين الفنان احمد مظهر ،وذلك من خلال لقائها في
برنامج “ساعة صفا”.
وقالت مريم فخر الدين :” أول مرة شوفت فيها الفنان
أحمد مظهر كان في فيلم “رد قلبي”..
و لما عرفت أنه كان في الجيش برتبة بكباشي ..قولت ايه العبيط دا ؟؟!! دا يعتبر زيه زي عبد الناصر ليه يسيب الجيش و يجي عشان يمثل ؟؟!!
بس لما عرفته و شوفت دور البرنس علاء في” رد قلبي” قولت دا ممثل هايل كان مين يقدر يعمل دور البرنس في “الأيدي الناعمة” ولا دور
الناصر صلاح الدين بالبراعة دي غيره دا مكنش طالع مجرد ظابط دا كان ملك زمانه.
المذيعة صفاء ابو السعود : أنتى كونتي بتحبيه يا مدام مريم ؟ صح ؟
= لا والله …هو كان صديق عزيز… نصيحة مني لو بتحبي راجل اوعي تتجوزيه … الجواز اخره اربع سنين و بيبوظ..
أنا جوازاتي كلها باظت …. لكن صداقتي بـ أحمد مظهر فضلت عايشة اربعين سنة .. اسال عليه و يسأل عليا .. اصلنا ممكن نتخانق على ايه !!! … مفيش حاجة نتخانق عليها و احنا اصدقاء .
ا
ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.
