حلت الفنانة دينا فؤاد ضيفة على برنامج "كل يوم" الذي يقدمه الإعلامي خالد أبو بكر، عبر شاشة قناة "on"، وذلك بعد تألقها الكبير في مسلسل "حق عرب" والذي تم عرضه ضمن سباق مسلسلات رمضان 2024.
وتحدثت الفنانة دينا فؤاد خلال لقاءها مع الإعلامي خالد أبو بكر، عن مشهد تعرضها للجنون في مسلسل حق عرب، مشيرة إلى أنها كانت محضرة لهذا الدور منذ فترة كبيرة، وقالت: "أما جالي المشهد ده كنت في أسعد لحظات حياتي، أنا نفسي أعمل مسلسل كامل عن الناس المشردين في الشارع وأشوف أي وصلهم لكدة".
أبرز تصريحات دينا فؤاد
وتابعت: "لا يصح إلا الصحيح دي رسالة المسلسل، وأنا بقرأ المشهد بكون شايفة أن خلاص أنا هعمله إزاي، لما جالي الورق في شخصيات أنا كنت مذاكراها من زمان زي البنت اللي اتجننت واللي واقفة على نصبة شاي وبتغير أوي على حبيها، والممثل لازم يلعب كل الأدوار، ونفسي أعمل دور خارسة".
وأضافت دينا فؤاد: "كنت بقعد اتفرج معاهم على المسلسل يقولولي إنتي تريند مسلسل حق عرب مكسر الدنيا وأنا اللي طالع عليا قولوا والله بجد يعني نجحنا واتصل بالعوضي وأقوله الكلام ده حقيقي، والجيل ده مش بيعجبه أي حاجة ومش بيتفرجوا على اي حاجة، وبنتي كانت بتقعد تعيط في المشاهد بتاعتي، وصحابها كانوا بيتفرجوا على حق عرب ومبسوطين بيه".
وعن دخول ابنتها التميثل، ردت دينا فؤاد قائلة: "جالها فرصة تمثيل في فيلم رعب وباباها رفض ولكن أنا كنت موافقة بس مش عايزاها تمثل لأن المهنة صعبة جدا والإشاعات اللي بتطلع على الفنانين وإن الناس بتدخل في حياتنا، ولو جت قالتلي إنها بتحب هقولها حبك برص يا روح قلبي بدري أوي للحاجات دي".
اقرأ أيضا: دينا فؤاد فتاة شعبية تشارك في عمليات نصب بـ«حق عرب"
ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.
