تحدثت البروديوسر أميرة إسماعيل، عن تسلسلات الإنتاج الفني في مصر وفي الخارج، بالاضافة إلى كواليس عملها في فيلم Fountain of Youth للمخرج العالمي جاي ريتشي، خلال حلولها ضيفة في الموسم الثاني لبودكاست الشغلانة الذي يقدمه الناقد الفني آسر أحمد

وقالت البروديوسر أميرة إسماعيل :"اول ما قابلت أمين المصري وهو executive producer، المسئول عن فيلم Fountain of Youth، انا فاكرة ساعتها قالي في أول قعدة ان التايتل بتاعك هيبقي line producer، وهو هيبقي producer، وكان حجم الشغلانة مختلف جدا عن أي حاجة عملتها قبل كدا".

وأضافت :"اكتشفت بعد كدا أن تعريف وظيفتي ساعتها نفس التعريف الوظيفي للشخص المقابل ليا في الشركة العالمية بره، لان كان التيم من إنجلترا، وكنا ماشيين على نفس التسلسل، شغلانة اللاين هناك، هو شخص بيعمل البادجيت مع البروديوسر ويفضل متابع تنفيذ البادجيت دي، بجانب شغال معاه تيم كامل يتابع كل الأقسام في الشغلانة، وهو اللى بيتابع تنفيذ كل الأقسام دي، في الاخر هو نفس شغلي كـ بروديوسر في مصر".

وتابعت :"عندنا في مصر في الإعلانات الترتيبة مختلفة عن بره، هي لعبة اسامي احنا حطيناها في مصر بطريقة وبره مصر بطريقة تانى".

ويعود الموسم الثاني من بودكاست الشغلانة للزميل آسر أحمد، بتفاصيل وضيوف من قطاعات جديدة داخل المشاريع السينمائية والدرامية والمسرحية والموسيقية، حيث يضم الموسم الجديد ضيوفاً من التوزيع الموسيقي والتلحين والإنتاج الفني الدرامي والسينمائي والإخراج المسرحي والـ stunt والكثير من القطاعات المختلفة.