الارشيف / مصر اليوم / اتفرج نيوز

هدى المفتى تتحدث عن أعمالها الفنية في عيد الاضحى

حلَت الفنانة هدى المفتي ضيفة على برنامج “معكم منى الشاذلي”، مساء اليوم الخميس، لتتحدث عن أعمالها الفنية الأخيرة، والنجاحات التي حققتها في موسم أفلام عيد الأضحى بمشاركتها في 3 أفلام هي؛ “كيرة والجن”، “بحبك” وعمهم”.

أوضحت هدى المفتي خلال حوارها مع الإعلامية منى الشاذلي، عبر قناة ، أن عرض الأفلام الثلاثة في نفس الموسم لم يكن مخططا له، وكان صدفة بحتة بعيدة عن أي ترتيبات.

وقالت: “مهما بنرتب، الدنيا مابتمشيش زي ما إحنا عايزين بالذات في الشغل، اللي حصل صدفة بحتة، أنا بقالي 3 سنين شغالة على (كيرة والجن)، وفيلم (عمهم) بنصور فيه من الصيف اللي فات وكان المفروض ينزل في راس السنة ثم اتأجل لأجازة الصغير ثم للعيد الكبير”.

تابعت هدى المفتي: ” وفيلم (بحبك) تامر حسني لما جالي بدأته على طول وأكيد مش هقول لأ لفيلم لتامر حسني”.

وأضافت: “الترتيب الأصلي إن كل فيلم كان هيبقى في موسم مختلف، بعدين لقيت بيكلموني إن الـ 3 أفلام نازلين مع بعض، في الأول خوفت عشان كنت عاملة حسابي إن هينزل فيلم كل فترة وأنا هريح في النص وأخد أجازة، لكن كلهم نزلوا في وقت واحد فأنا دلوقتي معنديش حاجة خلاص”.

كما أعربت هدى المفتي عن سعادتها بردود فعل الجمهور على الأعمال ككل، وعلى أدوارها تحديدًا، مضيفة: “الأفلام التلاتة مختلفين وكل واحد فيهم تحس إن ليه جمهوره، وبصراحة التلاتة ناجحين أوي، قعدوا يقولوا لي أنتي حاطة في بطنك بطيخة صيفي وضامنة إيرادات العيد لكن أنا كنت خايفة إن الناس ميعجبهاش أي دور من الأدوار، كنت خايفة الناس متحبنيش بس الحمد لله”.

وتطرقت للحديث عن كواليس تعاونها مع المخرج مروان حامد في فيلم “كيرة والجن” قائلة: “أستاذ مروان مخرج مختلف تماما، أي حد يتمنى يشتغل معاه، خصوصا لو هيحطك في دور جديد، زي ما يكون هيصبك في معين وهيشكلك بتشكيلة جديدة، فكنت متأكدة إن هبقى طالعة حاجة صح جدا، وفي العرض الأول للفيلم كنت مبسوطة أوي وحاسة بالرضا عن نفسي وإني قدمت دور مهم”.

ملحوظة: مضمون هذا الخبر تم كتابته بواسطة اتفرج نيوز ولا يعبر عن وجهة نظر مصر اليوم وانما تم نقله بمحتواه كما هو من اتفرج نيوز ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا