قالت الفنانة المعتزلة ميار الببلاوي :”أنا باتجوز على سنة الله ورسوله، اتجوزت 5 مرات منهم زيجة رجعت فيهم لشخص كنت متطلقة منه”.
حقيقة زواج ميار الببلاوي السري
وأضافت خلال الجزء الثاني من لقائها ببرنامج “العرافة” المذاع على قناة “النهار”: “عمري ما اتجوزت في السر، ولما باتجوز بقلب الدنيا وبقول لكل الناس ومش بحب اتجوز في السر”.
طلاق ميار الببلاوي
وتابعت ميار الببلاوي: “جوزي الحالي اللي حجزني في بلده وأنا حبسته في مصر هنا، وهو كان متغاظ اني خرجت من البلد من غير ما هو يعرف، ووقتها كنت رجعت واخدت ابني وسافرت ورفعت عليه قضية وحبسته في عز الثورة، طلقني 11 مرة واتجوزنا كتير، بس هو أول حب في حياتي وأول راجل اتجوزته في حياتي وأنا هو مخلفناش من بعض وعندنا عدم تجانس في الدم مننفعش نخلف فانفصلنا واتجوزت غيره ورجعتله”.
حقيقة الزوج المحلل لميار الببلاوي
وواصلت: “أنا وجوزي الحالي كنا دايما بنسيب بعض بمشاكل، واتطلقنا واتجوزت أبو ابني وخلفت منه وبعدين رجعت لطليقي اللي هو زوجي الحالي، بس ماتجوزتش من محلل علشان أرجع له، بس هي المشكلة اننا عصبيين جدا وكل شوية بيحصل كوارث واحنا متجوزين رسمي وانا ووثقته في مصر بس هو موثقش لسه في بلده”.
