الارشيف / عرب وعالم / الكويت / بوابة المصريين في الكويت

تعليق ناري من سيد عبد الحفيظ على خسارة الأهلي من بيراميدز: مفيش شخصية

علّق سيد عبد الحفيظ، مدير الكرة السابق بالنادي الأهلي، على خسارة الفريق أمام بيراميدز بثنائية نظيفة، مؤكدًا أن ما يحدث حاليًا يُعد من أسوأ البدايات في تاريخ القلعة الحمراء.

عبد الحفيظ: المشكلة إنك مالكش لا شكل ولا روح

وقال عبد الحفيظ في تصريحات تليفزيونية: «المشكلة مش بس إنك اتغلبت، المشكلة إنك مالكش لا شكل ولا روح. الفريق داخل الملعب تايه، مفيش هوية، مفيش شخصية الأهلي».

وأضاف: «هل ممكن الأهلي يرجع ويكسب الدوري؟ آه ممكن، لأن فيه عناصر مميزة، بس لازم تختار أحسن مدرب، مدرب فاهم الفرقة وعارف قدراتها. اللي ماسك الفريق دلوقتي مش عارف اللعيبة، بينزل أحمد رضا مكان وهو عايز يكسب! الراجل مجاش».

ووجّه عبد الحفيظ انتقادات لاذعة لبعض اللاعبين قائلًا: «أنا مش عايز لعيب يقول عايز أزود عقدي.. كسر حقك! إحنا عايزين لعيبة رجالة تاكل النجيلة، بغض النظر عن مستواهم، بس يكون عندهم روح وقلب، مش بالشكل اللي بنشوفه دلوقتي».

واختتم تصريحاته مؤكدًا أن “هوية الأهلي بتضيع”، مطالبًا بإعادة النظر في اختيارات اللاعبين والجهاز الفني قبل فوات الأوان.

ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.