الارشيف / عرب وعالم / الكويت / بوابة المصريين في الكويت

.. لـ”الخطيب”: “عملت على الحكام.. ولما أفضى هرد على كلامك”

  • 1/3
  • 2/3
  • 3/3

قال المستشار ، رئيس نادي الزمالك: “بطولة الدوري لسه في الملعب ولكن ليا ملاحظات.. هل عماد النحاس باع الاتحاد السكندري النهاردة لصالح الأهلي زي ما اتهموا عبد الحميد بسيوني إنه باع الماتش للزمالك؟ طبعًا لأ”. 

حقيقة تفويت المباريات

وأضاف خلال مداخلة هاتفية ببرنامج “ملعب البلدوزر” الذي يقدمه مجدي عبد الغني بقناة “الشمس”: “زي ما إنتوا قلتوا أن عبد الحميد بسيوني فوت للزمالك هقولك علي ماهر مع فيوتشر فوت للأهلي وعماد النحاس مع الاتحاد السكندري فوت للأهلي، وأنا بقول بلاش الكلام الفارغ ده حوالين الموضوع ده والهم طايلني وطايلك وبلاش نشكك في كل حاجة يا كابتن الخطيب أنا حتى مفهمتش منك حاجة من الكلمة اللي قلتها امبارح، وحتى الولاد عاملين الحلزونة يا أما الحلزونة، يبقى مفيش حد بيفوت ماتشات ولكن فيه فريق داخل الخدمة وفريق خارج الخدمة، وبلاش نشكك يا كابتن محمود الخطيب في أي مدرب بينتمي لنادي الزمالك وإلا هقولك علي ماهر فوت للأهلي وعماد النحاس باع الماتش للأهلي”. 

قصة أمح الدولي

وتابع: “أمح الدولي أهلاوي أكتر من محمود الخطيب ولما الأهلي بيتغلب بيجيله سكر وضغط ويروح المستشفى، وفيه ناس تانية لما بيتغلب ولا في دماغهم وبيطلع يعمل بيانات، ولما طلع أمح وقال فيه حد من جماهير الزمالك شتمه عملت مداخلة واعتذرت له وعملت له عضوية عاملة، وده الوضع الطبيعي مش مدير كرة نازل شتيمة فينا والخطيب يقول انشر الشتيمة في كل مكان”.

كلمة محمود الخطيب

وأكمل: “الخطيب طالع بيقول إحنا مش لسانا طويل ولا شتامين وأنا مش هرد عليك دلوقتي لأني مركِّز مع فرقتي لأني لما هرد هجيبلك فيديوهات السواق اللى جيبته في قناتك يشتمني والمحامي بتاعك اللي شتمني وبتخلى ناس يشتموك”.ولفت: “قالوا لأمح الدولي لو قربت من بوابة الزمالك هنقطع رجلك ومش هتدخل ماتشات النادي الأهلي، فأنا عملت له عضوية عاملة مجانية دعمًا لأصحاب القدرات الخاصة”.

هجوم الخطيب على الحكام

وأشار: “الهجوم على الحكام من الخطيب ده ، طيب وإيه رأيك في إبراهيم نور الدين في ماتش الاتحاد اللى كان هاين عليه يطرد محمد مصيلحي، ورمضان صبحي لما وقف على الكورة بعد يومين كان إبراهيم نور الدين واقف على الكورة زيه، طيب انت دلوقتي راضي عن الحكام النهاردة، هو فيه حاجة اسمها حكم يطلع من المحكمة يعجبني أشكر القاضي ولو معجبنيش أشتم القاضي”. 

فيلم الخطيب

وأكمل: “هل فيلم الخطيب إمبارح وضغط لجنة الحكام علشان يجيبوله حكام ملاكي؟ منقدرش نقول الكلام ده، إبراهيم نور الدين حكم كويس وعنده ضمير وضمير صاحي، ودي وجهة نظر ولازم تحترم”.وتابع: “هل التحكيم وحش مع الاتحاد يا كابتن بيبو؟ هل رئيس نادي بيخاطب جماهير يقول النادي الأهلي معندهوش حد قليل الأدب ولا سفيه، طب ليه ده؟! أنا باعد عنك ومش عايز أقرب منك، وأنا هرد على اللي انت قلته بالفيديوهات.. بس أنا مش فاضي لك، وفيه أغنية أحمد شيبة عاملها أنا مش فاضي لكم لما أفضى آجيلكم، وأنا هفضالك يا خطيب”. وقال الكابتن محمود الخطيب رئيس النادي الأهلي: إن الأهلي صوته عالي في الحق ومش سليط اللسان ومش سباب ولا فاحش ولا بذيء ولكن أكبر من كده بكتير”.

رسالة لأعضاء الأهلي

وأكد: “أعضاء الجمعية العمومية للنادي الأهلي اللي هما ركيزة أساسية وضعتوا ثقتكم فينا وليكم حق علينا وكل لحظة بنحاول نتطور ونوجد حلول للمشاكل اللي بتشاوروا عليها والأمانة تقتضي إننا نقول إن الأهلي في مكانة أفضل من حيث الخدمات”.إقرأ أيضاً

ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا