بص يا سيدي.. و انت رايح تتقدم لواحده عدت ال ٢٦ او ٢٨ سنه حط في دماغك الشوية الحاجات و المحتاجات البسيطه دي:
١- شيل من دماغك خااااااالص فكرة انها حصلت على لقب (عانس) فهتتنازل عشان خاطر تتجوز و تزول اللعنه عنها لا خالص يا فندم هي بتكون مدركة تماما ان لقب عانس النهارده أفضل من لقب مطلقه متبهدله و معاها طفل او طفلين هديه على كم عقده نفسيه
٢- فكرة الجواز بالنسبة ليها بتتحول من السفر و الفسح و فستان الفرح و الحب الابدي العظيم لفكرة البيت الي هيتنضف و قرف الحمل و الولاده و الولاد الي هيتربوا و مصروف البيت الي مش بيقضي و حريتها الي يتفقدها تماما ( ده لان فيه خمسه سته من صحابها اتجوزوا قبلها و عرفوها الحقيقيه المره )
٣- فكرة الخلفه و الاولاد و هنسمي ولادنا ايه و هيكون عندنا كام طفل و جو لما نعيش في تبات و نبات ده مش هتلاقيه عندها اصلااااااا لانها فعليا شافت صحابها في الحمل و الولاده و شافت كام خروجه باظت بسبب عيل زنان شبطان في بالونه زرقا طارت و ذهبت مع الريح و هو متنح و مش عايز غيرها و كام واحده منامتش بقالها سنتين بسبب ان ابنها بينام الصبح و يصحى بالليل
٤- كلمة بحبك لما بتتقالها بتكون بالنسبة ليها كلمه مرعبه اه و حياة ربنا حتى لو جاملتك و قالتلك و انا كمان في الغالب الفكره الي بتيجي في دماغها في وقتها يعني ايه بتحبني
٥- كلامك معاها عن السفر و الفسح و الخروجات في الغالب بيكون يا اما مش مهم لانها في الغالب هتكون سافرت الأماكن الي حضرتك بتتكلم عنها او بتكون على يقين ان كل كلامك مقتبس من كتاب مسيلمه الكذاب و انك بتشتغلها اه و ربنا زي ما بقلك كده
٦- في الغالب بتكون نزلت و اشتغلت و اتعاملت مع ناس كتير و عندها خبره و فراسه و كمان مستقله ماديا و بتقدر توفر لنفسها كل الي هي عيزاه يعني من الاخر مش هتعرف تضحك عليها بهديه غاليه لانها في الغالب هتعرف تشتري الي هي عيزاه بنفسها
مشكلة اغلب الناس في السن ده انهم بيكونوا عاملين زي اللي بيلعب شطرنج من زمان و شاطر اوي في اللعبه بيكونوا حاسبين عالاقل ٤ خطوات لقدام و حاطين اكتر من خطه للموضوع عقلهم الي بيكون مسيطر عليهم مش قلبهم …
من الاخر كده لو واحده فوق ال ٢٥ سنه حبتك بجد يبقى اكيد انت حد مش موجود في الوجود لأنك هتكون مريت باختبارات كتييييير و عقلها اختارك قبل قلبها
يعني الخلاصه أن البنت إللي في السن ده بتكون زادت نضج ووعي وجمال واستعدادها لشيل مسؤوليه بيت وتربيه أولاد يعني لو وافقت عليك لازم تمسك فيها بايدك وسنانك ده كنز بالنسبالك
يلا ألف مبروووك متنساش تعزم أخوك في الفرح
ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.
