صاحب السنتر هيشتري طيارة

البشاير 0 تعليق ارسل طباعة تبليغ حذف

ميريت قاسم

فتاة تتحدث فتقول وأنا فى مرحلة كان عندنا مدرس بيعطي مادة من المواد الأدبية بطريقة مختلفة وجديدة وبالتبعية ذاع صيته وأتشهر جدا” وكانت الحصص بتاعته بتتحجز بالألاف مش بالمئات فعلا” كانت شهرته ونجاحه غير مسبوق.

 

وكنت لما أقعد مع أصحابى نضحك ونهزر ونقول بكرة يشترى طيارة خاصة ويركنها فوق سنتر الدرس إسقاطا” على الدخل المرتفع الى بقى بيدخله مع الحجز والأعداد الغفيرة من الطلبة ، وهو حتى فى الحصص كان يهزر ويقول أوعوا تكونوا ( بتنقوا)  عليا ياعيال محدش عارف وراها إيه .

 

كان دائما” يقول الجملة ديه ( محدش عارف وراها إيه).
وبالفعل عدت السنين وخلصت الجامعة وفى

يوم كنت فى مع بابا وقابلته مع زوجته وأولاده الأربعة الى كانوا جميعا” مصابين بمتلازمة داون…

 

أربع أطفال جميعهم مصابين بمتلازمة داون بيحتاجوا علاج خاص بمبالغ باهظة ورعاية خاصة أتنين منهم لقيتهم مركبين جهاز يشبه جهاز شلل الأطفال وكان هو ومراته ياعينى محتاسين بالأطفال..

 

لما شفته وبسلم عليه لقيتني فجأة ببص فى وشه وبقوله جملته ( محدش عارف وراها إيه يامستر)…
ولقيته ضحك ضحكة مهزومة من الدنيا وقالى:
ياااااه لسه فاكره
مكنتش فاكره بس لما شفتك أفتكرتها …

 

طب أوعي تنسي الجملة ديه يابنتي ماتحكميش على حد ولا تبصي لرزق حد

علشان إيه ؟!
قلت له علشان محدش عارف وراها إيه يامستر…
وعشت بدرس عمرى لا تحكم على حد ولا ليك دعوة برزق حد ولا تحسد حد على ضحكته ولا تضيق بعيشتك وأنت باصص لعيشة غيرك علشان ببساطة لا عارفين الجزء الخفي من الحزن ولا ضامنين الخواتيم ولا ضامنين الفتن ولا عارفين بكرة مخبى إيه..
لان محدش عارف وراها إيه …

 


ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.

أخبار ذات صلة