شادية تحكي قصة اعتزالها الفن وعلاقة الشيخ الشعراوي بالأمر .. شاهدوا

محتوي بلس 0 تعليق ارسل طباعة تبليغ حذف

ظهرت الفنان الراحلة شادية في حوار واحد لها فقط وهي تحكي عن تفاصيل اتخاذها قرار اعتزال الفن وقالت أنا كنت عايزة أعتزل قبل مسرحية ريا وسكينة وشغلي كان عبارة عن حاجتين حلوين إني بغني وبمثل وكنت ملاقيش أغاني أعمل أغاني فيه ملاقيش أفلام أعمل أغنية.

إعلانات

الفنانة الراحلة شادية تحكي تفاصيل اعتزالها:

وأضافت يعني حياتي كانت مليانة بعملي وشغلي الحقيقة فجأة ابتديت مفيش حاجة تعجبني وابتديت أكسل شوية يعني رواية تيجي مقرهاش على طول أو أقرأها شوية وأسيبها ففكرت أعتزل والظروف جت وسبحانه وتعالى اللي بيعمل كل الظروف.

وتابعت كلامها وقالت حسين كمال قالي ما تعملي مسرح ضحكت وقلت له ده أنا عايزة أعتزل مسرح إيه وبتاع إيه قالي قدمي ريا وسكينة بس وأنا بحب ريا أوي وكنت قابلتها في الأفلام وكانت شخصية كانت تعجبني قولتله طيب ابعت الرواية وأشوف.

واستطردت كلامها وقالت في يوم كلمت الشيخ محمد الشعراوي فقلت له ممكن أقابل حضرتك قالي تعالي روحت قولتله أنا بيني وبين نفسي كنت واعدة ربنا سبحانه وتعالى إن أنا أغني أغاني دينية يعني عشان أشكر فيها ربنا إنه نجحني كل السنين دي وسترني وما مريت به في حياتي ولله الحمد.

ولكن أنا دلوقتي مش عايزة أغني مش قادرة أغني ولا أي شيء أنا عايزة أتحجب وأقعد فهل ده حرام عشان أنا بس اديت وعد وأنا هتخلي عن الوعد ده فعادي أتخلى عنه قالي ده أحسن مليون مرة بس تصممي وأنا كنت رايحة متحجبة للشيخ الشعراوي.

واختتمت كلامها وقالت قمت من عنده ونزلت السلالم كأني بنت عندها 16 سنة والله العظيم بالضبط بجري وبعدين العربية كانت بعيد ولكن بمشي وحاسة الدنيا دي حاجة تانية وأنا واحدة تانية وحاجة تانية خالص وعمري ما حسيت بالسعادة دي وأنا في العربية وراجعة البيت.

ملحوظة: مضمون هذا الخبر تم كتابته بواسطة محتوي بلس ولا يعبر عن وجهة نظر مصر اليوم وانما تم نقله بمحتواه كما هو من محتوي بلس ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق