في حوار قديم للراحل صلاح السعدني تحدث عن الفنان هشام سليم وقال :” أنا هتكون شهادتي مجروحة في هشام سليم لإن أنا حُبي ليه مُتَدَفِق لدرجة إن أنا صعب أكون موضوعي .. بس أنا ليا عُذر لإن هشام أنا شايفه من طفولته مع حسين كمال وفاتن حمامة في “إمبراطورية ميم” .. في الفيلم دة أنا بتوقف عند مشهد اللي كان بيبوح لأمه بـ لقطة الشغالة ، رغم إنه كان ١٢ أو ١٣ سنة لكن إتفرج على إحساسه ، أنا لما بتفرج عليه النهاردة بكتشف إنه فعلا من اللحظة الأولي زي ما بيقولوا “الكتكوت الفصيح من البيضة يصيح” ..
أدائه الرهيب بعد كدة مع يوسف شاهين في الفيلم اللي عمله مع ماجدة الرومي “عودة الإبن الضال” كان تحفة
ثم جائت الإنفـ. ،جارة الكبيرة في “ليالي الحلمية” .. المسلسل دة قدم مجموعة كبيرة اوي من الشباب إنما هشام سليم تمتع بوجود خاص .. هو يفتح القلوب وكأنه يملك مفاتيحها بإيده ، هشام سليم مش مجرد ممثل الواحد بيحس إنه قريب منه زي أخوه .. لأ هو زي الأمنية ، يعني الأم تتمنى يكون دة إبنها بالشكل دة المُهذب دة ، الأخ يتمنى يكون أخوه زي كدة ، البنــت تتمني يكون خطيبها زي كدة ، هو حلم حقيقي .
صلاح السعدني عن هشام سليم ❤️
ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.
