متابعة بتجــرد: في مداخلة هاتفية مع برنامج “الستات” الذي تقدّمه الإعلاميتان مفيدة شيحة وسهير جودة، ردّت النجمة المصرية وفاء عامر على الشائعات المتداولة مؤخرًا على مواقع التواصل الاجتماعي، والتي طالتها باتهامات باطلة تتعلق بالإتجار بالأعضاء البشرية، ووصفتها بأنها حملة “ممنهجة” لتشويه صورتها دون وجه حق.

وأكدت وفاء: “الست دي اختارت أكبر نجمة على تيك توك، وأنا فعلًا من الأكثر متابعةً، بس مش بظهر إلا لو فيه حالة إنسانية حقيقية محتاجة دعم، زي الطفل محمد دوشين، اللي علاجه مش متوفر في مصر وتكلفته 150 مليون جنيه، والموضوع ده تحت رعاية وزارة التضامن، يعني ملوش علاقة بمصلحتي الشخصية”.

“حدش هيقدر يسكتنا غير بالموت”

وتابعت: “اللي بيحصل ده ضرب في القوى الناعمة لمصر. عندنا نقابات قوية ونقيب فنانين ما بيسكتش على الظلم، ومحدش هيقدر يسكتنا غير بالموت”.

كما وجّهت رسالة للفنانة المعتزلة إيمان الطوخي، مطالبةً إياها بكسر صمتها حيال ما يُشاع: “ليه الصمت يا إيمان؟! اطلعي قولي مش بنتي، حتى لو معتزلة أو محجبة، دي قضية رأي عام”، مشيرةً إلى أنها لن تبادر بالتواصل معها لأن “الناس كلها بتتكلم”.

“هجيب كل اللي وراها”

واستكملت وفاء عامر حديثها بحزم قائلة: “أنا ست قوية وعنيدة، ومبنامش غير لما آخد حقي. لو اللي قدامي ضعيف بسامحه، لكن الحالة دي وراها ناس، وأنا هجيبهم. بلدنا قوية، ونائبنا العام قوي، وأتحدّى أي حد يثبت إنها بنت حسني مبارك”.

وختمت وفاء مداخلتها قائلة: “أنا ست مصرية حرة، زوجة راجل محترم وبنت راجل جدع، وعيلتي فيها رجالة، ومطلبتش من حد يدافع عني، لأني بدافع عن نفسي بإيدي”.

دعم واسع من نجوم الفن

من جهة أخرى، حرص عدد من الفنانين على دعم وفاء عامر والتعبير عن تضامنهم معها، وفي مقدمتهم:

• هاني رمزي: “صديقتي وأختي وزميلتي وفاء عامر، مفيش حد في جدعنتك ولا طيبتك، ربنا يحفظك”.
• منة فضالي: “وفاء عامر نجمة كبيرة وست جدعة و١٠٠ راجل، وعيب أوي اللي بيتقال عليها”.
• أمينة: “الست دي بنت أكابر، وأبوها الله يرحمه ربّاها على العز والكرم”.
• داليا مصطفى: “وفاء من أكتر الناس الجدعة، مستحيل تؤذي أي كائن. أنا معاكِ قلبًا وقالبًا”.

الهجمة الأخيرة أثارت جدلًا واسعًا، لكنها في المقابل أظهرت حجم المحبة والدعم الذي تحظى به وفاء عامر داخل الوسط الفني وخارجه، في وجه كل حملة مغرضة.