قال الفنان طارق النهرى إن دور شداد فى مسلسل المعلم مختلف كليا عن طارق النهرى وأنا حبيت الدور جدا، وهو دور واحد متجوز اتنين وهو شرير جدا.
وأضاف خلال مداخلة ببرنامج الحياة اليوم مع الاعلامى محمد مصطفى شردى المذاع على قناة الحياة: حب الدور ومذاكرته شىء مهم جدا لأى ممثل، ولولا ظروف الحريق الذى نشب فى استوديو الأهرام وكنا ما خلصناش جزء من السوق والصراع اللى حصل فى المحلات واطرينا ننقلها وفى حاجات راحت وشخصيات وقعت منك لأنك فى ظرف 10 أيام لازم تلحق نفسك والحكاية مش سهلة.
وتابع: المخرج متميز لأنه هادى جدا وتعامل مع الحكاية بشكل راقى جدا رغم إنه ابن ناس لكنه عاش حكايات سوق السمك وأنا اتبسطت للتعامل معاه كمخرج وهذا هو أول تعامل.
وأكد أن مصطفى شعبان انتقل إلى منطقة تانية خالص فى حالة نضج فنى وسعيد جدا للعمل مع أحمد بدير وانتصار وسلوى خطاب ومصطفى شعبان، لافتا إلى أن أحمد بدير نقل الشخصية من الشرير إلى الكوميدى وجنن منذر فى التصوير اللى بيذاكر كتير جدا وبيمثل بطريقة أوروبية خالص.
وأكمل: أنا دخلت المستشفى 3 مرات فى تصوير المعلم ودخلت الحريق علشان اطفى لكن كانت مساحة فدان عبارة عن حتة جمر حمراء، وكانت شىء كارثى حسيت إن بيتى بيتحرق وقعدت أعيط زى العيال، والشركة المنتجة خسرت مبلغ خيالى يوم ما تكون ما خسرتش خسرت 12 مليون.
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
