هو وهى / اليوم السابع

الفنانة سلمى أبو ضيف: "اشتغلت مع نجوم مهمة وتقيلة ومخرجين كبار وده رزق من ربنا"

استضافت الإعلامية منى الشاذلى، فى برنامجها "معكم منى الشاذلى" المذاع على قناة on، الفنانة سلمى أبو ضيف، والتى قالت:" ربنا وفقنى العام الماضى فى أدوار كويسة، وسافرت للتعلم فى مدرسة تمثيل لمدة شهر ونصف، والتى أعطتنى نوع من الثقة والدفعة، وهشوف هعمل إيه باللى استفدت بيه فى الدراسة".

وأضافت سلمى أبو ضيف، خلال الحلقة:"بحس إن مع التجارب الحياتية فى حياتى ده هينعكس فى شغلى، والحمد لله ربنا وفقنى اشتغل مع نجوم مهمة وتقيلة زى الفنانة غادة عبدالرازق ومخرجين كبار، لافتة إلى أنه خلال العمل معهم وجهونى فى العمل، وكلهم ساعدونى وده مع الوقت فرق معايا كتير". 

تابعت سلمى أبو ضيف،"انا شخصية مسالمة، ومش بتاعة مشاكل ومبحبهاش من صغرى، ولما بدخل اللوكيشن بركز فى الشغل، واللى بشتغل معاهم كويسين وده رزق من ربنا، مضيفة: فى ناس كدة بتحس بالآمان لما تمثل معاهم، واللى مثلت معاهم حسسونى بده".

ولفتت سلمى أبوضيف:" اشتغلت فى "بين السطور"، "حكاية تحت الحزام" فى نفس الوقت، و"زينهم" ثم "أنف و3 عيون"، وبعدها "أعلى نسبة مشاهدة".

ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا