كشف الفنان عمرو يوسف، عن الشيء الذي يغضبه، وقال: «لا أحب الغباء أو أي حد مستهتر في العمل، والبيت بالنسبة لي خط أحمر، ولو متضايق بفصل بينه وبين الشغل، وأنا من الناس اللي بتاخد حقها ولكن في نفس الوقت ممكن أسامح عادي، بعض الناس أحيانا بيقولوا عني إن عمرو ده مغرور وشايف نفسه وممكن يكون الانطباع ده عند ناس كتير، لكن أنا في الحقيقة خجول وده اللي اترجم غلط، وأكتر إشاعة طلعت علي خلال الفترة الماضية هي انفصالي عن كندة علوش»، مضيفا: «ببقى فخور بنفسي جدا لما منتج يكلمني على شغل وهو كان رافضني في البداية، وعندي إيمان كبير بأن ربنا عمره ما بيضيع حقي أو تعبي».
وقال عمرو، خلال استضافته في برنامج «عندك وقت مع عبلة»، على قناة MBC، إن علاقته جيدة للغاية مع ابنته «حياة»، وأنه بالفعل «البنت حبيبة والدها» والأقرب له، مشيرا إلى أن علاقته معها أقرب للصداقة من الأبوة، لافتا إلى أنها شديدة الغيرة عليه، خاصة من والدتها، قائلا: «حياة حبيبة أبوها وعلى قلبي زي العسل».
وبسؤاله عما إذا كان من الممكن أن ترفض زوجته كندة علوش العمل مع فنانة معينة، قال عمرو: «مش ممكن تطلب كندة مني كده، لكن لو في بينهم خلاف وده هيضايقها مش هشتغل».
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
