ليه بنك زي جولدمان ساكس بيقول إن الجنيه ده مقيم بأقل من قيمته الحقيقية بـ30%؟ وهل فعلاً في فرصة إننا نشوف الجنية يرجع لأيام زمان ويبقى أقوى من دلوقتي؟ وهل سنة 2025 ممكن تكون نقطة الانطلاق لعودة الجنيه لبريقه اللي كان في الماضي؟
بنك جولدمان ساكس في تقريره الأخير أكد حاجة مهمة قوي إن الجنيه المصري لسه متقيم بأقل من قيمته العادلة بحوالي 30% .. ودي نسبة مش بسيطة بالعكس ده رقم كبير بيعزز فرصته إن هو يقفز ويشد قدامه الفترة اللي جاية بعد ما الجنيه اتخفض بقوة في مارس 2024 ومن ساعتها وهو مستقر سواء على السعر الرسمي أو حتى سعر السوق الموازي.
الوصول للنقطة دي مش صدفة لا ده بيعكس ثقة جديدة من الأسواق في سياسة سعر الصرف المصري .. يعني باختصارلما السوق بيسكت على تقلبات حادة وبيثبت إن السياسة ماشية صح ده مؤشر قوي وواضح.
طب إزاي الثقة رجعت؟
بحسب جولدمان ساكس في مايو 2025 صافي الأصول الأجنبية في القطاع المصرفي اتحوّل لعجز لفائض بقيمة 4.8 مليار دولار بعد ما كان عندنا عجز اقتصادي بنحو 17.6 مليار دولار في بداية 2023… وده رقم كويس جداً وبيدي دعم قوي للجنيه.
السنة دي كمان الاحتياطي الأجنبي وصل لـ48.7 مليار دولار نهاية يونيو 2025، بعد ما كان حوالي 48.53 في مايو… يعني فيه زيادة حتى لو بسيطة لكن مضمونة ومستمرة.
ونماذج التقييم بتاعة جولدمان ساكس بتشوف إن الجنيه المصري هو ثاني أكتر عملة بين عملات الأسواق الحدودية undervalued يعني مقيم بأقل من قيمته، وبالتقدير ده بيستمر 25% على الأقل طول سنة الجاية لو استقر سعر الصرف الحالي.
وكمان نصحوا بـإنك تبيع دولار وتشتري جنيه بهدف تحقيق عائد حوالي 5% مع وضع حد خسارة عند –2.5%.
طيب والنظرة لباقي 2025؟
رغم التحديات الجيوسياسية اللي حوالينا .. الاهتمام بتدفقات المحافظ الاستثمارية وتحسن المؤشرات النقدية – زي الاحتياطيات وصافي الأصول الأجنبية – كلها عوامل بتدعم السيناريو ده .. وكمان توقعات باقي المؤسسات بتقول إن الجنيه ممكن يثبت حوالين 49.6 جنيه مقابل الدولار لنهاية الربع ده.
وفي النص التاني من 2025… لو التضخم بدأ يقل بنِسة كويسة وسعر الصرف فضل ثابت… في كل المعطيات دي احتمال كبير إن سعر الجنيه يبدأ يصحصح ويقرب من قيمته الحقيقية.
اللى حضرتك لازم تكون عارفه ان الجنيه مقيم بأقل من قيمته بقرابة 30% حسب مؤسسة مرموقة زي جولدمان ساكس.. وان فيه تحسن قوي في الاحتياطيات وصافي الأصول الأجنبية بيشجع على تقوية العملة.. والسياسة النقدية وتقلبات التضخم والاستقرار النسبي كلها بتخدم توجهات جديدة.
وفي 2025… لو السيناريو فضل مركز على الاستقرار واستقطاب الحفاظ الأجنبي… ممكن فعلاً نبدأ نشوف الجنيه يسترجع جزء كبير من قيمته الحقيقية.
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
