الزوجه المتهمة بـ خيانه زوجها 11 عام زواج تكشف المستور

البشاير 0 تعليق ارسل طباعة تبليغ حذف

خرجت السيدة المصرية تغريد السيد أحمد، والتي أثارت موجة جدل واسعة في وسط الشارع المصري مؤخرا بعد اتهامها من قبل زوجها بالزنا وخيانتها لمدة 11 عاما عقب سفره لدولة قطر، كذلك وأنكر زوجها نسب أولاده.وفي “لايف” بث من خلال موقع “” في أول ظهور لها صوت وصورة، وقد فجرت السيدة تغريد مفاجأة عن زوجها الذي أقام ضدها قضية الزنا وإنكار نسب الاولاد.

 

حيث استنكرت كلام زوجها بأنها كانت على علاقة غير شرعية مع احدى الرجال في نفس وقت اقامة علاقتها مع زوجها قائلة: “إزاي تقول إني معاك أنت والشخص الخاين مرة واحدة، وانت فين بتبقى تحت السرير مستني ولا إيه، ما هو ده كلام كبير أوي ووصلتني إني أقول ألفاظ مش كويسة، بس أنا هحاول أتمالك أعصابي”.

 

واستكملت:

“هو ربنا قالك أفضح ولية كدة وعرض 3 ولايا البنتين ذنبهم إيه، العيال مصيرهم أدمر بسببك، طيب أنا لو ست مش كويسة وماشية مع واحد تاني مش هخلف منه، هو ده صح وفضح الشرف ده كدة بتاخد حقك رحت بلغت وجبتلي حبس 3 سنين ومش عايزني أهرب والمفروض أتحبس طيب”.

 

وتطرقت في الحديث عن الأطفال قائلة: “والعيال مصيرهم هيبقى إيه لو مش عيالك صعبانين عليك ليه وبتعيط، وتقول مدارسهم هتعمل إيه”.

 

وأكملت حديثها، “هو سافر وقعد 5 سنين برا البلد في قطر كان شغال في فندق وراحلته رسالة أن الست بتاعتك بتخونك، وشك أن الأولاد مش أولاده وعملهم DNA وثبت أن العيال مش ولاده، طيب إزاي يعني لما دول مش أولادك أمال ولاد مين”.

 

وأكملت مدافعة عن نفسها: “لما هو عمل تحليل للاتنين الصغيرين أنا طلبت تحليل للتالتة ورحت للطب الشرعي بنفسي، أطلب تحليل للبنت الكبيرة، لو مش بحبك هكمل معاك ليه ما كنت سيبتك ومشيت مشي بطال”.

 

واستنكرت الدعوى القضائية ضدها بقولها:

“عملت قضية وتحليل للعيال لأنهم جم في غربتك وسفرك، لا الـ3 ولاد ولادك غصب عن عينك، الست اللي مش كويسة عندها 100 وسيلة عشان متخلفش من الراجل اللي ماشية معاه”.

 

حيث اتهمت تغريد زوجها بأنه يريد التخلص من أطفاله: “أنت بترمي عيالك في التراب والزبالة عشان خايف يبقوا شبهي، طب ليه كل ما تروح مكان بتعيط، أنت بتعيط من قهرتك على عيالك أنت دموعك كدابة لأن أنت عارف أن دول ولادك وبتعيط عشان بتسيبهم”.

 

وقالت: “بتتهمني إني بجيب رجالة، ده أنا استحملت أعيش معاك في بيت أهلك مكنش في حمام، وكنت حامل وعندي السل عشان لا باكل ولا بشرب، الحمام كان في طبق بطلع أرشه على السطح، والحموم كان في جردل، لو انا ست مش كويسة استحملت كل ده معاك ليه، أنا مخدتش فلوسك إنتي اللي سرقتني، حتى الدهب أخدته وقلتلي اتسرقت”.

 

وأكملت:

“أنا مش فاهمة اللي بتعمله ده بتعمله إزاي، أنت راجل بتصلي إزاي تطلع كدة أنت بتمثل، ربنا هيسترني عشان العيال دي غلابة ملهمش حد غيري، حتى لو أنا غلط وأنت غلط العيال ملهمش ذنب، رحت زورت الشهادات DNA، من صحابك في الطب الشرعي، حسبي الله ونعم الوكيل فيك”.

 

وقالت تغريد: “بتقول إني بتاعة رجالة وصرفت فلوسك على الرجالة، هي اللي بتعرف راجل بتصرف عليه ولا بيصرف عليها، بتقول أنا سكتت أهلي بالفلوس، ده أنا بقعد بالسنة ونص بعباية وطرحة وشبشب مقطع وأهلك بيقابلوني في الشارع يقولولي إنتي عاملة كدة ليه، ما تجيبي عباية وأنا اللي كنت بحوشلك فلوسك الدولارات في إزايز تحت السرير عشان متغرب، وبعدين حطيناها في البنك باسمك، وأنت عملتلي توكيل كنت رحت سرقتك عشان الرجالة؟”.

 

وادعت إن زوجها يعمل تاجر مخدرات منذ ثلاثة أشهر.

ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق